Eski “prava”ni yangisiga almashtirish vaqtincha to‘xtatildi

Jamiyat

−

02 Oktabr 2021 visibility18957 timer1 daqiqa

2021 yilning 2-3 oktyabr (shanba va yakshanba) kunlari eski namunadagi haydovchilik guvohnomalarini yangisiga almashtirish xizmati vaqtinchalik ko‘rsatilmaydi. Bu haqda Davlat xizmatlari agentligi xabar berdi.

Ma’lum qilinishicha, shu kunlarda O‘zbekiston Respublikasi Ichki ishlar vazirligi Yo‘l harakati xavfsizligi boshqarmasi elektron tizimida texnik-profilaktik tadbirlar amalga oshiriladi.

Xizmatdan foydalanish uchun 4 oktyabr, dushanba kunidan ro‘yxatdagi Davlat xizmatlari markazlariga hamda IIBB YHXB bo‘limlariga murojaat qilish mumkin.

Avvalroq, eski haydovchilik guvohnomalarini yangisiga almashtirish muddatini toifalashtirilgan tarzda uzaytirish taklif etilayotgan haqida xabar bergan edik.

Maqola muallifi