Ertaga Toshkentning markaziy ko‘chalari vaqtincha yopiladi

Ertaga, 5 mart kuni Toshkentda ayrim markaziy ko‘chalar transport harakati uchun yopiladi. Bu haqda Ichki ishlar vazirligi Jamoat xavfsizligi departamenti Yo‘l harakati xavfsizligi xizmati xabar berdi.

Qayd etilishicha, “Xavfsiz hayot uchun” aksiyasi doirasida marafonlar o‘tkazilishi munosabati bilan soat 06:00 dan 11:00 gacha quyida keltirilgan ko‘chalar avtotransport harakati uchun cheklanadi:

• Islom Karimov va Furqat ko‘chalari chorrahasidan Sharof Rashidov ko‘chasigacha;
• Islom Karimov chorrahasidan Sharof Rashidov ko‘chasi bo‘ylab Sharof Rashidov va Afrosiyob ko‘chalari chorrahasigacha;
• Sharof Rashidov va Afrosiyob ko‘chalari chorrahasidan Afrosiyob ko‘chasi bo‘ylab Afrosiyob va Beshyog‘och ko‘chalari chorrahasigacha;
• Afrosiyob va Beshyog‘och ko‘chalari chorrahasidan Furqat va Beshyog‘och ko‘chalari chorrahasigacha;
• Beshyog‘och va Furqat ko‘chalari kesishgan chorrahadan Furqat ko‘chasi bo‘ylab, Islom Karimov va Furqat ko‘chalari kesishgan chorrahagacha;