Ertaga Toshkentda ayrim ko‘chalar vaqtincha berkitiladi
Jamiyat
−
17 Oktabr 2019 6357
Ertaga, 18 oktyabr kuni Toshkent shahrining ayrim ko‘chalarida avtomobillar harakati vaqtincha to‘xtatiladi. Bu haqda Toshkent shahar hokimligi Matbuot xizmati ma’lum qildi.
18 oktyabr kuni Toshkentda Talabalar yugurish marofoni o‘tkaziladi. Shu munosabat bilan soat 10:30dan 11:30 gacha Bunyodkor shoh ko‘chasi dublyor yo‘lining Adiblar hiyoboniga kirish qismidan Islom Karimov ko‘chasigacha bo‘lgan qismida, Islom Karimov ko‘chasining Beshyog‘och va Sheriyat bog‘i ko‘chalari kesishmasigacha bo‘lgan qismida, Sheriyat bog‘i ko‘chasining “Paxtakor” stadionigacha bo‘lgan qismida avtomobillar harakati vaqtincha cheklanadi.
Toshkent shahar hokimligi keltirilgan noqulayliklar uchun uzr so‘ragan
