Eron Rossiya samolyotlarini sotib oldi

Eron Rossiyaning Su-35 qiruvchi samolyotlari partiyasini sotib oldi. Bu haqda “Entekhab” xabar berdi.

Eron Qurolli kuchlari markaziy shtab-kvartirasi boshlig‘i o‘rinbosari Tehron Rossiyaning Su-35 qiruvchi samolyotlarini sotib olganini ma’lum qilgan. 

“Su-35 qiruvchi samolyotlari sotib olindi. Qachon kerak bo‘lsa, havo kuchlarimiz, quruqlik va dengiz kuchlarimizni kuchaytirish uchun harbiy texnika sotib olamiz”, deyiladi xabarda. 

Ma’lum qilinishicha, bu qadam mamlakat harbiy salohiyatini mustahkamlashga qaratilgan. 

Ma’lumot uchun, Su-35 – supermanyovrli rus qiruvchi samolyoti. Hozirgi vaqtda Rossiya Harbiy-havo kuchlarining asosiy qiruvchilaridan biri 2018 yilda Su-27 va Su-57 qiruvchi samolyotlari o‘rtasidagi “o‘tish davri” sifatida taqdim etilgan.

Eslatib o‘tamiz, avvalroq Eron Xitoydan 1000 tonnadan ortiq kimyoviy moddalar import qilishga tayyorlanayotgani, ushbu moddalar 960 tonna ammiak perxloratiga aylantirilishi mumkinligi haqida xabar berilgandi.