Ergashev va Matias tresh-tokingni davom ettirmoqda
Sport
−
27 iyul 2023 7109
Boks bo‘yicha super yengil vazn toifasida chempionlik kamari sohibi puerto-rikolik Sabriyel Matias o‘zbekistonlik Shohjahon Ergashevga qarshi himoya jangi tezroq o‘tkazilishini istamoqda.
Shu munosabat bilan Matias o‘z Instagram sahifasida Ergashevning promouteriga qarata o‘ziga xos mem e’lon qildi.
“Salita, shartnomani imzolang. Imzo chekmasangiz katta raqamlar so‘rayotgan “xo‘rozingizga” ishonmayotgan bo‘lasiz. Qo‘rqmang va shartnomaga qo‘l qo‘ying”, deydi Matias.
O‘z navbatida Ergashev ham Matias tomonidan jo‘natilgan memni javobsiz qoldirmadi.
“Mana shu eshik ortida mag‘lubiyating seni intiqlik bilan kutmoqda”, deydi Ergashev.
Eslatib o‘tamiz, Ergashev va Matias o‘rtasidagi tresh-toking iyul oyining o‘rtalarida boshlangandi. Sabriel Matias Instagram sahifasiga Ergashevning profboksdagi natijalari bilan bog‘liq post joylab, unga haqoratlovchi izoh qoldirgandi. Shohjahon Ergashev raqibiga barchasini jangda uzil-kesil hal qilish taklifini berdi.
Live
Barchasi
