Erdo‘g‘an don shartnomasi uzaytirilganini tasdiqladi

Olam

image
0:00
0:00
download

Turkiya Prezidenti Rajab Toyib Erdo‘g‘an bugun, 17 noyabr kuni Istanbulda iyul oyida tuzilgan don bitimi 120 kunga uzaytirilayotganini tasdiqladi. 

“BMT, Turkiya, Rossiya va Ukraina tomonidan qabul qilingan qaror asosida Qora dengiz yo‘lagi bo‘yicha kelishuv 2022 yil 19 noyabrdan boshlab 120 kunga uzaytirildi”, deb yozdi Turkiya rahbari Twitter’da. 

Erdo‘g‘an BMT Bosh kotibi Antoniu Guterrish, Rossiya Prezidenti Vladimir Putin va Ukraina Prezidenti Vladimir Zelenskiyga don kelishuvini uzaytirish bo‘yicha sa’y-harakatlari uchun minnatdorlik bildirdi.  

“Ushbu jarayonga hissa qo‘shgan barchani tabriklayman”, deydi u. 

Erdo‘g‘anning so‘zlariga ko‘ra, g‘alla savdosi boshlanganidan buyon dengiz gumanitar koridor orqali 11 million tonnadan ortiq qishloq xo‘jaligi mahsulotlari eksport qilingan.  

“Ushbu kelishuvning amalga oshirilishi uning global oziq-ovqat xavfsizligini ta’minlash uchun qanchalik muhim va foydali ekanligini ko‘rsatdi”, deydi Turkiya Prezidenti. 

Ukrainadan oziq-ovqat eksporti bo‘yicha kelishuvlar 22 iyul kuni Istanbulda 120 kunga tuzilgan edi. Bitimlardan biri 19 noyabrgacha amal qiladi va Kiyev tomonidan nazorat qilinadigan Odessa, Chernomorsk va Yujniy portlaridan don eksport qilish tartibini tartibga soladi. Rossiya, Turkiya, Ukraina va BMT tomonidan tashkil etilgan Istanbuldagi Qo‘shma muvofiqlashtirish markazi qurol kontrabandasining oldini olish va provokatsiyalarni istisno qilish uchun donli kemalarni tekshirish uchun mo‘ljallangan. Ushbu qism Rossiya, Turkiya va BMT tomonidan va alohida Ukraina, Turkiya va BMT tomonidan imzolangan. 

Bundan tashqari, Rossiya Federatsiyasi va BMT o‘rtasida memorandum imzolandi, bu jahon tashkilotining Rossiya qishloq xo‘jaligi mahsulotlari va o‘g‘itlarini jahon bozorlariga eksport qilish bo‘yicha turli cheklovlarni olib tashlash majburiyatlarini nazarda tutadi.


Maqola muallifi

Teglar

Rajab Toyib Erdo'g'an

Baholaganlar

8

Reyting

3.3

Maqolaga baho bering

Doʻstlaringiz bilan ulashing