Eng ko‘p hujjat topshirilgan va tanlov yuqori bo‘layotgan OTMlar ma’lum qilindi

Bu yil abituriyentlar eng ko‘p Samarqand davlat universitetiga hujjat topshirdi. Universitetga jami 75 325 nafar abituriyent hujjat topshirgan. Bu haqda DTM direktori o‘rinbosari Sardor Rajabov matbuot anjumanida ma’lum qildi.

Anjumanda eng ko‘p hujjat topshirilgan va konkurs yuqori bo‘layotgan 5 ta OTM haqida ma’lumot berildi.

Unga ko‘ra:

1. Samarqand davlat universiteti – 75 ming 325 nafar, shundan 32 903 nafari kunduzgi, 4 380 nafari kechki, 38 042 nafari sirtqi.

2. Qarshi davlat universiteti – 58 ming 118 nafar, shundan 24 432 nafari kunduzgi, 33 686 nafari sirtqi.

3. Andijon davlat universiteti – 57 ming 498 nafar, shundan 28 387 nafari kunduzgi, 29 111 nafari sirtqi.

4. Urganch davlat universiteti – 53 ming 255 nafar, shundan 25 471 nafari kunduzgi, 27 784 nafari sirtqi.

5. Termiz davlat universiteti – 51 ming 787 nafar, shundan 26 397 nafari kunduzgi, 394 nafari kechki, 24 996 nafari sirtqi.

Eng katta konkurs (birinchi tanlangan ta’lim yo‘nalishiga nisbatan):

•    Andijon tibbiyot instituti – 1 o‘ringa 27,81 tani;
•    Toshkent davlat yuridik universiteti – 1 o‘ringa 24,35 tani;
•    Toshkent tibbiyot akademiyasi – 1 o‘ringa 24,2 tani;
•    Toshkent tibbiyot akademiyasi Farg‘ona filiali – 1 o‘ringa 22,58 tani;
•    Navoiy davlat konchilik instituti – 1 o‘ringa 19,5 tani tashkil etdi;

Abituriyentlar quyidagi ta’lim yo‘nalishlariga eng ko‘p ro‘yxatdan o‘tkazildi:

•    Samarqand davlat universitetining “Boshlang‘ich ta’lim va sport-tarbiyaviy ish” ta’lim yo‘nalishi sirtqi ta’lim shakli o‘zbek guruhiga – 9 013 nafar;

•    Qarshi davlat universitetining “Boshlang‘ich ta’lim va sport-tarbiyaviy ish” ta’lim yo‘nalishi sirtqi ta’lim shakli o‘zbek guruhiga – 7 945 nafar;

•    Samarqand davlat universitetining “Maktabgacha ta’lim” ta’lim yo‘nalishi sirtqi ta’lim shakli o‘zbek guruhiga – 7 890 nafar.