Endrik kelgusi faoliyati bo‘yicha bir qarorga keldi

“Real” vingeri Endrik kelajagi borasida bir qarorga keldi. U Madridda qolishni istayapti. Braziliyalik futbolchi “Real”ga muhabbatini tan oldi va faoliyatini “qirollik klubi”da davom ettirishga qaror qildi. Bu haqda Fabritsio Romano X sahifasida ma’lum qildi.

“Men “Real Madrid” futbolchisi bo‘lishni yaxshi ko‘raman. Madridda ko‘p narsalarni o‘rganib, rivojlanish va “Real Madrid” uchun qo‘limdan kelgan barcha ishni qilishga tayyorman”, deydi Endrik

Endrik o‘tgan yozda “Real”ga ko‘chib o‘tgandi. 18 yoshli futbolchi bungacha Braziliya chempionatida o‘ynagan. Oxirgi paytlarda Endrik kam o‘yin amaliyotiga ega bo‘layotgani bois, boshqa klubga o‘tishi mumkinligi haqida xabarlar paydo bo‘lgandi.

Ma’lumot uchun, joriy mavsumda Anchelotti Endrikka asosan Ispaniya kubogi o‘yinlarida ishonch bildirdi. Braziliyalik futbolchi Qirol kubogining 5 ta o‘yinida maydonga tushib, 5 ta gol urdi.