Dariush UFC'dan Maxachevga qarshi jang uchun kafolat olganini aytdi

Yengil vazn toifasida amerikalik UFC jangchisi Beneil Dariush tashkilot unga Islom Maxachevga qarshi titul jangini kafolatlab berganini ma’lum qildi.

“Men 6 may kuni jang qilmoqchi bo‘ldim, UFC rad etdi. Ammo Oliveyra bilan jang yana bekor bo‘lsa, titul jangini aniq olaman. Men Charlzni yengib, Abu-Dabiga Islom Maxachev bilan jang qilish uchun boraman. Oliveyra bilan jangda jarohat olmasam kerak”, deydi Dariush.

UFC sobiq chempioni Charlz Oliveyra Beneil Dariush bilan UFC 288 turniri doirasida jang qilishi kerak edi. Biroq jang Oliveyraning mashg‘ulotlar jarayoni yakunlanmay qolgani sabab bekor qilingandi.

Ma’lumot uchun, Dariush UFC'da 26 ta jang o‘tkazib, 22 tasida g‘alabaga erishgan, 4 tasida raqiblariga imkoniyatni boy berib qo‘ygan. Oliveyra esa bu vazn toifasida sobiq UFC chempioni hisoblanadi. U faoliyati davomida 43 ta jang o‘tkazib, 33 tasida g‘alaba qozongan.

Muhsinjon Umurzoqov