Nazarboyevning qizi prezidentlikka da’vo qiladimi?
Olam
−
09 aprel 2019 10757
Avvalroq, Qozog‘iston Respublikasining vaqtinchalik prezidenti Qosim-Jomart Toqayev xalqqa murojaatida mamlakatda navbatdan tashqari prezidentlik saylovi o‘tkazilishini ma’lum qilgani haqida xabar bergan edik.
Bugun, 9 aprel kuni Qosim-Jomart Toqayevning murojaatidan keyin Qozog‘istonda prezidentlik uchun da’vogarlik qilishi mumkin siyosiy shaxslardan biri Darig‘a Nazarboyeva saylovda qatnashmasligini ma’lum qildi. Bu haqda "Tengrinews" xabar berdi.
Qozog‘iston Respubliksining birinchi prezidenti, Elboshi Nursulton Nazarboyevning to‘ng‘ich qizi Darig‘a Nazarboyeva hozirda Senat raisi hisoblanadi. U Qosim-Jomart Toqayev prezident bo‘lgach, bu lavozimga saylangandi.
“Yo‘q, Darig‘a Nursultonovna nomzodini qo‘yishni rejaoashtirmayapti”, degan uning yordamchisi Saule Mustafoyeva.
Ma’lumot uchun, Qozog‘istonda 9 iyun kuni muddatidan oldin saylov o‘tkaziladi.
Live
Barchasi
