Dani Alves Messi sababli 50 yoshgacha futbol o‘ynashi mumkin
Sport
−
17 Sentabr 2022 5405
Meksikaning “Pumas” klubi himoyachisi Dani Alves Lionel Messi sovrinlar bo‘yicha undan o‘zib ketsa, 50 yoshgacha futbol o‘ynashini ma’lum qildi. Bu haqda Alvesning so‘zlariga tayanib, ESPN nashri xabar berdi.
“Men kelajak haqida o‘ylashni yoqtirmayman, chunki uni oldindan aytib bo‘lmaydi. Hayot o‘z yo‘nalishida davom etadi. Agar Messi sovrinlar bo‘yicha mendan o‘zib ketsa, men 50 yoshgacha o‘ynayman”, degan “Barselona”ning sobiq himoyachisi.
Ma’lumot uchun, joriy yilning 1 avgust kuni PSJ Fransiya Superkubogini qo‘lga kiritgan edi. Parijliklar jamoasining argentinalik hujumchisi Lionel Messi uchun bu sovrin uning faoliyatidagi qirq birinchisi bo‘ldi. Jamoaviy sovrinlar jamg‘arish borasida "Barselona"ning sobiq himoyachisi Dani Alves rekordchi hisoblanadi. “Pumas” futbolchisi butun faoliyati davomida 46 ta sovrin yutgan.
Live
Barchasi
