Chechenistonga dron hujumi oqibatida ukrainalik mahbuslar halok bo‘ldi – Qodirov

Ukraina uchuvchisiz samolyotining Chechenistonning Gudermes shahridagi Rossiya maxsus kuchlari universiteti hududidagi binoga hujumi oqibatida Ukraina Qurolli kuchlarining asirga olingan harbiy xizmatchilari orasida qurbonlar bo‘ldi. Bu haqda kecha, 29 oktyabr kuni kechki payt Checheniston rahbari Ramzan Qodirov o‘zining Telegram-kanalida ma’lum qildi.

"Avval aytganimdek, hujum oqibatida biz tomonda qurbonlar yo‘q, ammo ular ukrainalik mahbuslar orasida", deydi u.

Qodirov respublikadagi har bir strategik ob’ektda, shu jumladan Rossiya maxsus kuchlari universiteti hududida ham 10 tagacha ukrainalik mahbuslar saqlanishini ta’kidladi. Biroq u o‘z so‘zlari va o‘lganlarning aniq sonini tasdiqlovchi biror dalil ko‘rsatmadi.

Shuningdek, Ramzan Qodirov Putin nomidagi maxsus kuchlar universitetiga qilingan hujum uchun “o‘ch olish”ga va’da berdi. Jurnalistlar bilan suhbatda u raqiblarga "ular hech qachon orzu qilmagan kabi jazo" berilishini aytdi.

Qodirov “Shimoliy harbiy okrug” hududida front chizig‘ida turgan barcha chechen qo‘mondonlariga Ukraina Qurolli kuchlari askarlarini “asirga olmaslik” va “jangni 100 foizga yanada kuchaytirish”ni topshirdi.

Checheniston rahbari, shuningdek, chechenlar bilan "hazillashish"ga yo‘l qo‘ymasligini aytdi. U “Shimoliy harbiy okrug” hududidagi chechen harbiylari endi sa’y-harakatlarini ikki baravar oshirishga va’da berdi.

Qodirovning so‘zlariga ko‘ra, hujum nishoni “harbiy xizmatchilar qo‘mondonligi” bo‘lgani uchun tanlangan. Uning ta’kidlashicha, Ukraina Qurolli kuchlari shu yo‘l bilan hammani "qo‘rqitmoqchi" bo‘lgan.

Ma’lumot uchun, Rossiya maxsus kuchlari universiteti maxsus kuchlar uchun kadrlar tayyorlash bo‘yicha Rossiyadagi birinchi va yagona xususiy ta’lim muassasasidir. U 2013 yilda tashkil etilgan. 2024 yil fevralida Qodirov maxsus kuchlar universitetiga Prezident Putin nomi berilishini e’lon qilgan edi. Universitet 400 gektardan ortiq maydonni egallaydi va 95 ta bino va inshootlardan iborat ko‘p funksiyali majmua, jumladan, taktik shahar, otishma majmuasi, 2 gektar maydonli suv ombori va 1600 m uzunlikdagi uchish-qo‘nish yo‘lagini o‘z ichiga oladi.

Buyuk Britaniya Mudofaa vazirligi 2024 yil may oyida ushbu ta’lim muassasasi rossiyalik harbiylarni Ukrainaga qarshi urushda qatnashish uchun tayyorlayotgani va 2022 yil fevralidan buyon u yerda 42 mingga yaqin harbiy xizmatchilar tayyorlanayotgani haqida xabar bergan edi.

Eslatib o‘tamiz, kecha, 29 oktyabr kuni Moskva vaqti bilan 06:30 da dron Gudermesdagi Rossiya maxsus kuchlari universitetiga hujum qilgandi. Hujum oqibatida muassasa hududidagi bo‘sh turgan binoning tomi yonib ketgan. Qodirovning so‘zlariga ko‘ra, qurbonlar va jarohatlanganlar yo‘q. Yong‘in tezda o‘chirildi.