Checheniston o‘zining birinchi sun’iy yo‘ldoshini uchirdi (video)

Kecha, 27 iyun kuni birinchi chechen sun’iy yo‘ldoshi “Axmat-1” Yer orbitasiga muvaffaqiyatli chiqarildi. Bu haqda Chechiniston rahbari Ramzan Qodirov o‘zining Telegram-kanalida ma’lum qildi. 

Unga ko‘ra, 27 iyun kuni ichida Chechenistonning “Axmat-1” sun’iy yo‘ldoshi bo‘lgan “Soyuz 2.1 B” raketasi “Vostochniy” kosmodromidan muvaffaqiyatli uchirilgan.

Mazkur sun’iy yo‘ldosh Rossiya Qahramoni Axmat-Hoji Qodirov nomidagi Checheniston davlat universiteti mutaxassislari tomonidan Janubi-g‘arbiy davlat universiteti mutaxassislari bilan birgalikda “Dejurniy po planete” dasturi doirasida ishlab chiqilgan.

Sun’iy yo‘ldosh samolyotlarning joylashuvi haqida ma’lumot to‘plash vazifasini bajaradi. Bundan tashqari, u yuqoridagi universitet talabalari tomonidan qabul qilingan audioyozuvlarni efirga uzatadigan radio uzatgichga ega.

“Shuni alohida ta’kidlashim kerakki, chechen ekspertlar guruhi ushbu sohani rivojlantirish bo‘yicha uzoqni ko‘zlagan rejalarga ega. Bu yil ular sun’iy yo‘ldoshni yanada takomillashtirish uchun grant olishdi. Taxminlarga ko‘ra, ikkinchi sun’iy yo‘ldosh biroz o‘zgarishlarga uchraydi: u videokamera va Yer magnit maydonini o‘lchash uchun yuqori texnologiyali datchiklar bilan jihozlanadi. Ayni paytda CHDU negizida sun’iy yo‘ldoshlardan ma’lumotlarni to‘g‘ridan-to‘g‘ri qabul qilish imkonini beruvchi Missiyalarni boshqarish markazini yaratish bo‘yicha ishlar olib borilmoqda”, deydi Qodirov.