Traktor bo‘laklarga bo‘linib ketdi. Surxondaryoda halokatli YTH sodir bo‘ldi
O‘zbekiston
−
08 May 2020 24906 1 daqiqa
Joriy yilning 3 may kuni Surxondaryo viloyatining Qumqo‘rg‘on tumanida Captiva va “T-28” rusumli traktor ishtirokida avtohalokat yuz berdi. Oqibatda bir kishi hayotdan ko‘z yumdi. Bu haqda IIV huzuridagi Tergov departamenti Axborot xizmati xabar bermoqda.
Mudhish hodisa shu kuni 16:30 da tumanning "Arslonboyli" mahallasidan o‘tuvchi yo‘lda yuz beradi. 73 yoshli fuqaro B.Sh. Captiva rusumli avtoulovi bilan harakatlanib kelayotganida boshqaruvni yo‘qotib, qarama-qarshi tomondan kelayotgan 34 yoshli fuqaro A.J.ning boshqaruvidagi “T-28” rusumli traktor yo‘liga chiqib ketadi va yo‘l transport hodisasini sodir etadi.

Oqibatda "T-28” rusumli traktor yo‘lovchisi voyaga yetmagan 7-sinf o‘quvchisi 13 yoshli Sh.J. tan jarohatlari bilan shifoxonaga yotqiziladi. Afsuski, ko‘rsatilgan tibbiy muolajalarga qaramay, bolakay kecha, 7 may kuni shifoxonada vafot etdi.

“Mazkur holat yuzasidan Surxondaryo viloyati, Qumqo‘rg‘on tumani IIB huzuridagi Tergov bo‘limi tomonidan Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan”, deyiladi xabarda.
Live
BarchasiShavkat Mirziyoyev Ummonga bordi
16 Noyabr
Bangladeshda tikuvchilar ish tashlamoqda
16 Noyabr
16 Noyabr
Iordaniyada Telegram bloklandi
16 Noyabr