Bugun Toshkent shahrining o‘ndan ortiq mahallasida “svet” o‘chiriladi

Bugun, 23 iyun kuni poytaxt Toshkentning qator tumanlaridagi ayrim ko‘chalarida elektr ta’minoti vaqtincha to‘xtatiladi. Bu haqda “Hududiy elektr tarmoqlari” Aksiyadorlik jamiyati Toshkent shahar filiali Matbuot xizmati xabar berdi.

Unda aytilishicha, bugun, 23 iyun kuni iste’molchilarga sifatli va barqaror elektr energiyasi etkazib berilishini ta’minlash, elektr tarmoqlaridagi avariyaviy holatlar oldini olish hamda kuz-qish mavsumiga puxta tayyorgarlik ko‘rish maqsadida quyidagi manzillarda ta’mirlash ishlari olib borilishi sababli elektr ta’minoti vaqtincha o‘chiriladi:

• Olmazor tumani: “Taraqqiyot”, “Eski shahar”, “Achaobod”, “Namuna”, “Qichqiriq”, “G. Azamov”, “Oltinsoy” va “Chimboy” MFYlarining ayrim ko‘chalarida bugun soat 24:00 dan ertaga soat 07:00 gacha;
• Bektemir tumani: “Iyk ota” MFYning ayrim ko‘chalarida soat 10:00 dan 17:00 gacha;
• Chilonzor tumani: “Qozirobod” MFYning ayrim ko‘chalarida soat 10:00 dan 17:00 gacha;
• Yakkasaroy tumani: “Muhandislar” MFYning ayrim ko‘chalarida soat 09:00 dan 17:00 gacha;
• Sergeli tumani: “Jaloyir” MFYning ayrim ko‘chalarida soat 09:00 dan 17:00 gacha.

“O‘z navbatida yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, deyiladi xabarda.

Shuningdek, xabarda mas’ul tashkilot elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi iste’molchilardan uzr so‘ragan.