“Bu bizning yigitlik huquqimizni buzmoqda”. Saruuda erkaklar ayollarga ajratilgan kvotaga qarshi chiqdi

Qirg‘izistonning Issiqko‘l viloyati Saru qishlog‘idagi mahalliy kengash deputatligiga nomzodlar ayollar uchun ajratilgan kvotaga qarshi chiqishdi. Bu haqda Kaktus media xabar bermoqda.

Ular tegishli murojaatni Markaziy Saylov Komissiyasiga yubordi. Murojaat mualliflarining fikricha, ular o‘z nomzodlarini ro‘yxatga olish paytida erkaklar mahalliy kengash to‘g‘risidagi qonunga ayollar uchun kvotaning 30 foizini kiritgan o‘zgarishlar to‘g‘risida to‘liq ma’lumot olmagan.

Shuningdek, ayollar uchun qishloq kengashlarida mandatlarning 30 foizini ajratish erkak nomzodlarning huquqlarini buzadi. "Bu bizning fuqarolik va yigitlik kabi huquqlarimizni buzmoqda. Bundan tashqari, bu erkaklar va ayollar o‘rtasidagi mojaroga olib keladi", deydi nomzodlardan biri.

Ularning fikriga ko‘ra, ushbu norma aholining saylov tizimiga bo‘lgan ishonchini pasaytiradi, chunki ayol nomzod 5 ta ovoz to‘plagan holda, kengashga borishi mumkin, erkaklar nomzodi esa hatto kengeshga kira olmaydi.

Ular Saruu qishlog‘ida bo‘lib o‘tadigan navbatdan tashqari saylovlarga qadar qayta ko‘rib chiqishni so‘rashmoqda.

Murojaatni 68 kishi imzolagan.

Ma’lumot uchun, joriy yilning avgust oyida Qirig‘izistonda Prezident saylov to‘g‘risidagi qonunga bir qator tuzatishlar kiritdi. O‘zgartirishlardan biri ayollarga mahalliy kengashlarga saylovlarda kamida 30 foiz mandat beradi.

Qonun loyihasi mualliflarining fikriga ko‘ra, ushbu norma ayollarning qishloq kengashlarida vakilligini ta’minlashi va ularga mamlakatning ijtimoiy-siyosiy hayotida faol ishtirok etishlariga yordam berishi kerak.