Bolgariyada 18 nafar afg‘on muhojirning jasadi topildi
Olam
−
19 fevral 2023 8878
Bolgariyada 18 nafar afg‘on muhojirning jasadi bo‘lgan tashlandiq yuk mashinasi topildi. Bu haqda “Reuters” xabar berdi.
Bolgariya Ichki ishlar vazirligi ma’lumotlariga ko‘ra, yuk mashinasi ichida yashiringan yog‘och va noqonuniy muhojirlarni olib ketayotgan bo‘lgan.
Muhojirlar qo‘shni Turkiya chegarasini noqonuniy kesib o‘tib, Bolgariya janubi-sharqidagi Yambol shahri yaqinida yuk mashinasiga ortishdan oldin ikki kun o‘rmonda yashiringan.
Qayd etilishicha, ular sovuqda bir necha kun ovqatsiz qolib ketgan. Vafot etganlarning orasida voyaga yetmagan bola ham bo‘lgan.
Mamlakat Sog‘liqni saqlash vaziri Asen Mejidiyevning aytishicha, 34 nafar muhojir, jumladan besh nafar bola Sofiyadagi shifoxonalarga yetkazilgan, ulardan ba’zilarining ahvoli og‘ir. Politsiya qochib ketgan yuk mashinasi haydovchilarining shaxsini aniqlashga harakat qilmoqda.
Live
Barchasi
