Boks bo‘yicha JCH: Shohjahon Abdullayev nokautga uchradi

Bugun, 27 oktyabr kuni Serbiyaning Belgrad shahrida boks bo‘yicha Jahon chempionatining ikkinchi kungi bahslari start oldi.

Dunyo birinchiligida 86 kg vazn toifasida ishtirok etganShohjahon Abdullayev ilk jangida belgiyalik Viktor Shelstritga qarshi ringga ko‘tarilib, mag‘lubiyatga uchradi. Bahs davomida Abdullayev nokdaun holatiga tushdi, lekin o‘zini tiklab oldi va hisobda oldinda borayotgan edi. Ikkinchi raundning so‘nggi soniyasida Shelstritning kuchli zarbasi Abdullayevni muvozanatdan chiqardi va jang o‘z yakuniga yetdi. 

Eslatib o‘tamiz, kecha, 26 oktyabr kuni Saidjamshid Jafarov (75 kg) Slovakiya vakili Lukas Fernezaga qarshi ringga ko‘tarilib, g‘alaba qozondi va keyingi bosqichga yo‘l oldi. Unga yaponiyalik Yuito Morivaki raqiblik qiladi.

Shuningdek, 51 kg vazn toifasida ishtirok etgan Hasanboy Do‘smatov ilk jangda qozog‘istonlik Saken Bibossinov qarshi ringga ko‘tarilib, mag‘lubiyatga uchradi.