Blinken Isroil muxolifati yetakchilari bilan uchrashdi

AQSH Davlat kotibi Entoni Blinken Tel-Avivda muxolifatdagi Isroil Milliy birlik partiyasi yetakchisi Benni Gans va asosiy muxolifat yetakchisi, sobiq hukumat rahbari Yair Lapid bilan uchrashdi. Bu haqda “The Times of Israel” nashri xabar berdi.

Qayd etilishicha, uchrashuvlar amerikalik diplomatning Yaqin Sharq safari doirasida bo‘lib o‘tgan. Uchrashuvda Gans Blinkenni G‘azo sektoridagi mahbuslarni ozod qilish bo‘yicha kelishuvga erishish uchun muzokarachilarga “maksimal bosim” qo‘llashga chaqirdi.

Gans ma’muriyatining ma’lum qilishicha, siyosatchi “ushbu masala bo‘yicha hukumatdan tashqarida qabul qilingan har qanday oqilona tartibga solishni qo‘llab-quvvatlashga” tayyorligini aytgan.

Bundan tashqari, Gans suhbatdoshini Livan bilan chegarada “Hizbulloh” bilan keskinlik to‘xtamasa, Isroil o‘z fuqarolarini himoya qilish uchun kuch ishlatishga tayyorligiga ishontirdi.

Yair Lapid esa Vashingtondan kelgan mehmon bilan suhbatda G‘azo sektoridagi 120 mahbusni o‘z uylariga qaytarish muxolifatning “yagona maqsadi” ekanligini ta’kidlagan va mahkumlarni almashish bo‘yicha kelishuvga erishish zarurligini ta’kidlagan.

Ma’lumot uchun, kecha, 10 iyun kuni Blinken Isroil Bosh vaziri Binyamin Netanyaxu va Mudofaa vaziri Yoav Galant bilan uchrashdi va ertasi kuni ertalab Isroil Prezidenti Isxak Gersog bilan muzokaralar bo‘lib o‘tdi. Blinken safari doirasida Misrga ham tashrif buyurdi va u yerda Misr va Qatar hukumatini HAMAS harakatiga sulh bitimini imzolash uchun bosim o‘tkazishga chaqirdi.

Eslatib o‘tamiz, 9 iyun kuni Benni Gans iste’foga chiqishini, Bosh vazir Binyamin Netanyaxuning harbiy kabinetini tark etishini e’lon qilgandi.