Bellingem Ronalduning natijasini takrorladi
Sport
−
21 avgust 2023 2501
Madridning “Real” klubi La Liganing 2-tur uchrashuvida “Almeriya”ni mag‘lub etdi (3:1). Madridliklar yarim himoyachisi Jud Bellingem bu o‘yinda ikkita gol urdi va bitta golli uzatmani amalga oshirdi.
Shu tariqa, ingliz futbolchisi Krishtianu Ronaldudan keyin La Liganing dastlabki ikki o‘yinida “Real” safida gol urgan birinchi futbolchiga aylandi.
Portugaliyalik futbolchi bu muvaffaqiyatga 2009 yilda erishgan. U ketma-ket 4 ta o‘yinda gol urishni uddalagan.
20 yoshli Bellingem shu yozda Dortmundning “Borussiya”sidan “Real”ga o‘tdi. Yarim himoyachining transfer narxi 103 million yevroni tashkil qildi. Bellingemning Madrid klubi bilan shartnomasi 2029 yilning iyunigacha amal qiladi.
La Liganing ortda qolgan ikki turidan so‘ng “Real” 6 ochko bilan peshqadamlik qilmoqda. “Qirollik klubi”dan tashqari “Valensiya” jamoasi ham yangi mavsumning dastlabki ikki o‘yinida g‘alabaga erishdi.
Live
Barchasi
