Bekobodda suvga cho‘kayotgan go‘dakning hayoti saqlab qolindi
Jamiyat
−
19 iyun 2020 7493
Joriy yilning 18 iyun kuni Toshkent viloyatining Bekobod tumanida cho‘kib ketayotgan go‘dakning hayoti saqlab qolindi. Bu haqda Favqulodda vaziyatlar vazirligi Matbuot xizmati xabar bermoqda.
Shu kuni soat 11:10 lar atrofida tumanning “O‘zbekiston” MFY hududidan oqib o‘tuvchi “Xosyoz” kanalida go‘dak oqib ketayotganligi ma’lum bo‘ldi. Toshkent viloyati FVB Bekobod shahar Favqulodda vaziyatlar bo‘limiga qarashli Yong‘in-qutqaruv qism qutqaruvchisi serjant Jasur Umirzakov bolani qutqarmoqchi bo‘ladi.
U shu maqsadda o‘zini suvga otadi. Go‘dakni kanaldan olib chiqib, unga birinchi tibbiy yordam ko‘rsatadi va ota-onasiga topshiradi. Voqea joyiga chaqirtirilgan tez-tibbiy yordam xizmati go‘dakni shifoxonaga olib ketgan.
Ma’lumotlarga ko‘ra, hozirda bolaning sog‘lig‘i yaxshi.
