Bayden Ukrainaga yordam uchun 5,5 mlrd dollar ajratishni ma’qulladi

AQSH Prezidenti Jo Bayden avvalroq Kongress tomonidan tasdiqlangan mablag‘dan Ukrainaga 5,5 milliard dollar ajratishga rozi bo‘ldi. Bu haqda Oq uy matbuot xizmati bayonot berdi.

“Men prezidentlik vakolatlari doirasida 5,5 milliard dollar ajratishga ruxsat berdim. Shunday qilib, mening ma’muriyatim Kongress tomonidan Amerika uskunalarini Ukraina foydasiga qisqartirishni qo‘llab-quvvatlash va keyin Amerika zaxiralarini to‘ldirish uchun ajratilgan mablag‘lardan to‘liq foydalanishi mumkin”, deyiladi bayonotda.

Ma’lumot uchun, kecha, 25 sentyabr kuni Pentagon matbuot kotibi o‘rinbosari Sabrina Singh Qo‘shma Shtatlar Ukrainaga Jo Baydenning prezidentlik muddati tugagunga qadar Kongress tomonidan ajratilgan barcha yordamni taqdim etishini ma’lum qildi. Aprel oyi oxirida esa Bayden Kongress tomonidan Ukraina, Isroil va Tayvanga qurol yetkazib berishni qayta tiklash bo‘yicha ma’qullangan qonun loyihalari paketini imzolagan. Ushbu paket hajmi 95 milliard dollarni tashkil etgan va Kiyev uchun 61 milliard dollarni o‘z ichiga oladi. Ushbu qonun loyihalari imzolangandan so‘ng Pentagon Ukrainaga 1 milliard dollarlik qurol-yarog‘ va texnika jo‘natayotganini e’lon qilgan.

Eslatib o‘tamiz, avvalroq AQSH Prezidenti Jo Bayden ma’muriyati Kongressdan Ukrainaga 5,8 milliard dollar miqdorida harbiy yordam ajratish bo‘yicha muddati tugaydigan vakolatni uzaytirishni talab qilgan edi.