Bayden Milliy xavfsizlik memorandumini imzoladi. Unda nima deyilgan?

AQSH Prezidenti Jo Bayden xavfsizlikni mustahkamlash va Amerika oziq-ovqat va qishloq xo‘jaligi sanoatining zamonaviy tahdidlarga chidamliligini oshirish maqsadida Milliy xavfsizlik memorandumini (National Security Memorandum - 16, NSM-16) imzoladi. Bu haqda kecha, 10 noyabr kuni jurnalistlarga AQSH ma’muriyatining yuqori martabali amaldori telefon orqali o‘tkazilgan brifingda ma’lum qildi. 

Uning so‘zlariga ko‘ra, ushbu hujjat Prezidentning 2004 yildagi Milliy xavfsizlik bo‘yicha qishloq xo‘jaligi va oziq-ovqat sanoatini himoya qilishga taalluqli 9-sonli ko‘rsatmasining o‘rnini egallaydi.  

"O‘tgan 18 yil ichida tahdidlar manzarasi keskin o‘zgardi", deb tushuntirdi rasmiy. 

Uning qo‘shimcha qilishicha, yangi hujjat federal hokimiyat organlariga iqtisodiyotning ushbu sektorini qo‘llab-quvvatlashni kuchaytirishga imkon beradi, bu AQSH yalpi ichki mahsulotining taxminan 5 foizini tashkil qiladi, chunki, aslida, AQSH hukumati oziq-ovqat va qishloq xo‘jaligi sohalariga egalik qilmaydi yoki boshqarmaydi, bu asosan xususiy biznes tomonidan amalga oshiriladi.

Bundan tashqari, memorandum AQSH oziq-ovqat sektori duch kelishi mumkin bo‘lgan tahdidlar ro‘yxatini kengaytiradi. Ular orasida, xususan, kiber tahdidlar, iqlim o‘zgarishi oqibatlari, noan’anaviy kimyoviy va biologik tahdidlar ham bor.