Bayden Makron bilan Rossiya va Xitoyga qarshi kelishib oldi

AQSH Prezidenti Jo Bayden va uning fransiyalik  mavqedoshi  Emmanuel Makron kecha, 7 mart kuni telefon orqali gaplashib, bir qator muhim masalalarni muhokama qildi. Bu haqda Oq uy ma’muriyati xabar berdi.

Qayd etilishicha, ikki davlat yetakchilari Ukrainani qo‘llab-quvvatlash, jumladan, Ukrainaga xavfsizlik bo‘yicha yordam ko‘rsatishni davom ettirish hamda urushda yetkazilgan zararlarni Rossiyadan undirish majburiyatini muhokama qilgan.

Shuningdek, Prezidentlar Hind-Tinch okeani mintaqasidagi hamkorlik hamda Xitoy tomonidan keltirib chiqarilgan muammolarni hal qilishda birgalikda harakat qilishga kelishib olgan.

Bundan tashqari, yetakchilar toza energiya iqtisodiyotiga o‘tishni tezlashtirish bo‘yicha sa’y-harakatlarni yaqindan muvofiqlashtirish majburiyatini tasdiqlagan.

Eslatib o‘tamiz, oldinroq Bayden Germaniya kansleri Olaf Shols bilan uchrashib, u bilan ham Rossiya va Xitoyga qarshi turishga kelishib olgan edi.