Bayden 80 yoshni qarshiladi

AQSH Prezidenti Jo Bayden o‘zining 80 yoshini kecha, 20 noyabr kuni oilasi bilan Oq uyda nishonladi. 

Prezident matbuot kotibi Karine Jan-Per avvalroq jurnalistlarga Bayden o‘z tug‘ilgan kunini odatda shu yilning 24 noyabriga to‘g‘ri keladigan Shukronalik kuni oldidan, 23 noyabr kuni nishonlashini aytdi. Biroq uning ta’kidlashicha, 19 noyabr kuni Amerika yetakchisining Baydenning nabirasi Naomi King Bayden turmushga chiqqani sababli to‘y Oq uyda bo‘lib o‘tgan, butun oila poytaxtda bo‘lgan va nonushtada Vashington rahbarining tug‘ilgan kunini nishonlagan.  

Bayden 80 yoshini davlat rahbari sifatida nishonlagan AQSHning birinchi prezidenti bo‘ldi. 

CNN telekanali manbalariga ko‘ra, to‘y va yubiley sanasi deyarli bir vaqtga to‘g‘ri kelgan, bu tasodifan emas, chunki Amerika rahbari “yoshi masalasi"ni ko‘tarib, unga e’tibor qaratmoqchi emas.  

Ikki hafta oldin AQSH tarixidagi eng keksa Prezident 2024 yilda davlat rahbari lavozimiga qayta saylanish uchun kurashish rejalari haqida allaqachon ma’lum qilgan, biroq u bu masalani o‘z oila a’zolari bilan muhokama qilgandan so‘ng keyingi yil boshiga qadar yakuniy qaror qabul qilmasligi haqida ogohlantirgan edi.