“Bavariya” “Barselona”ning rekordini takrorladi

Myunxenning “Bavariya” klubi Yevropa Chempionlar ligasi guruh bosqichida mag‘lubiyatsiz o‘yin bo‘yicha “Barselona”ning rekordini takrorladi. Bu haqda “Opta Sport” xabar berdi.

Manbaga ko‘ra, myunxenliklar ketma-ket 33 ta o‘yindan beri guruh bosqichidagi o‘z uylarida mag‘lub bo‘lmayapti, 31 g‘alaba va ikki durang. Bu seriya turnir tarixidagi eng uzoq davom etgan seriya hisoblanadi.

Bungacha 2009-2020 yillar oralig‘ida “Barselona” 33 ta o‘yin davomida o‘z maydonida mag‘lub bo‘lmagan.

Yevropa Chempionlar ligasi umumiy bosqichining 5-turi doirasidagi o‘yinda “Bavariya” Fransiyaning PSJ klubini minimal hisobda mag‘lub etdi. Ayni damda “Bavariya” musobaqa turnir jadvalida beshta o‘yindan so‘ng 11-o‘rinni egallab turibdi. Kompani shogirdlari hisobida 9 ochko mavjud.

Eslatib o‘tamiz, avvalroq Angliyaning “Man Siti” klubi YeCHLda 35 yillik antirekordini takrorlagani xabar qilingandi.