“Barselona” ketma-ket 11 marta Gamper kubogini qo‘lga kiritdi
Sport
−
09 avgust 2023 2125
Ispaniyaning “Barselona” klubi Angliyaning “Tottenxem” jamoasini 4:2 hisobida mag‘lub etib, Joan Gamper kubogini qo‘lga kiritdi.
“Barselona” safida gollarga Robert Levandovski, Ferran Torres, Ansu Fati va Abde Ezzalzuli mualliflik qilgan bo‘lsa, “shporlar”dan Oliver Skipp dubl qayd etdi.
Kataloniyaliklar bu sovringa qatorasiga 11-marta ega chiqdi. Oxirgi marta kataloniyaliklar 2012 yilda Italiyaning “Sampdoriya” klubiga imkoniyatni boy berib, musobaqa bosh sovrinini boy bergan edi.
Umumiy hisobda 58 marta o‘tkazilgan turnirning 46 tasida “ko‘k-anorranglilar” g‘olib chiqqan. Germaniyaning “Kyoln” klubi 2 marta Gamper kubogini qo‘lgan kiritgan va bu “Barselona”dan keyingi eng yaxshi natija hisoblanadi.
