“Barselona” Ispaniya chempionati rekordini takrorladi

“Barselona” Ispaniya chempionatining dastlabki to‘qqizta uchrashuvida g‘alaba qozonib, turnir rekordini takrorladi. Kataloniyaliklar bu natijaga safarda “Betis”ni 5:2 hisobida mag‘lub etish orqali erishdi.

Bunga qadar faqat “Real Madrid” chempionat boshidan ketma-ket to‘qqizta g‘alabani qo‘lga kiritgan edi. Madridliklar bu natijani 1968-1969 yilgi mavsumda qayd etib, yakunda Ispaniya chempionligini qo‘lga kiritishgan.

“Barselona” keyingi uchrashuvini 25 oktyabr kuni o‘tkazadi. Kataloniya klubi o‘z maydonida “Real Madrid” bilan o‘tkazadi. Bundan oldin kataloniyaliklar Chempionlar ligasi doirasida Fransiyaning “Pari Sen-Jermen” jamoasiga qarshi bahs olib boradi. Bu uchrashuv esa joriy yilning 20 oktyabr kuni Parijda bo‘lib o‘tadi. 

Qayd etish joiz, “Barselona” 2026-2027 yilgi mavsumda hozirgacha barcha 11 ta uchrashuvida g‘alaba qozongan. Jamoa Ispaniya chempionatida to‘qqizta, Chempionlar ligasida esa ikkita g‘alabaga erishgan.