Banklarda dollar kursi 11 400 so‘mga yaqinlashdi
Jamiyat
−
16 mart 2022 8449
Bugun, 16 martdan e’tiboran O‘zbekistondagi ba’zi tijorat banklarida dollar 11 385 so‘mdan sotila boshlandi. Bu mamlakatda dollar kursi tarixidagi eng yuqori ko‘rsatkichdir.
Tijorat banklarida dollar 11 200 – 11 385 so‘mdan sotilmoqda. O‘z navbatida banklar dollarni 11 335 – 11 100 so‘mdan sotib olmoqda.
Ma’lumot uchun, Markaziy bank tomonidan o‘rnatilgan rasmiy kursga ko‘ra, 16 martdan 1 AQSH dollari 11 150,12 so‘mga teng. Kecha dollar kursi birdan 117,09 so‘mga ko‘tarilgan.
Qayd etish kerakki, O‘zbekistonda dollar kursi 2 martdan beri (faqatgina 7 mart kuni pasaygan) ko‘tarilib kelmoqda. So‘nggi kunlarda so‘mning dollarga nisbatan qadrsizlanishi tezlashdi.
