Balotelli Turkiya klubiga ko‘chib o‘tdi

Italiyalik futbolchi Mario Balotelli Turkiyaning "Adana Demirspor" klubi bilan 1 yillik shartnoma imzoladi. Bu haqda Turkiya klubi matbuot xizmati xabar berdi.

Ma’lum qilinishicha, bugun, 15 sentyabr kuni hujumchi turklar safiga erkin agent sifatida ko‘chib o‘tgan.

“Bizning klubimiz Mario Balotelli bilan bir mavsumga mo‘ljallangan shartnoma imzoladi. Shuningdek, bizda kelishuvni yana bir yilga uzaytirish imkoniyati bor”, deb yozgan klub matbuot xizmati X (Twitter)da.

Ma’lumot uchun, kecha, 14 sentyabr kuni 32 yoshli hujumchi Shveysariyaning “Son” klubi bilan shartnomasini bekor qilgan. U 2022 yilning avgust oyida xuddi shu “Adana Demirspor”dan ko‘chib o‘tgan edi. Balotelli o‘tgan vaqt ichida “Son” uchun 19 o‘yin o‘tkazdi va 6 ta gol urdi.

Italiyalik futbolchi professional faoliyati davomida “Monsa”, “Breshia”, “Marsel”, “Nitssa”, “Liverpul”, “Milan”, “Manchester Siti” va “Inter” kabi klublar sharafini himoya qilgan. Shuningdek, Balotelli Italiya terma jamoasi tarkibida ham 36 o‘yinda maydonga tushib, unda u 14 ta gol va 5 ta golli uzatmaga mualliflik qilgan.