Asadxo‘ja Mo‘ydinxo‘jayevning jangi muddatidan oldin yakunlandi

Sport

−

30 Sentabr 2023 visibility10944 timer1 daqiqa

Boks bo‘yicha O‘zbekiston terma jamoasi a’zosi Asadxo‘ja Mo‘ydinxo‘jayev Osiyo o‘yinlaridagi ishtirokini yakunladi. Bu haqda QALAMPIR.UZ jurnalisti Shaxzod Shukurov xabar berdi.

Shukurovning ma’lum qilishicha, bugun, 30 sentyabr kuni Xitoyning Xanchjou shahri mezbonlik qilayotgan XIX Osiyo o‘yinlarining 7-kunida boks dasturi bo‘yicha bahslar bo‘lib o‘tgan. Unda -71 kilogramm vazn toifasining ikki nafar jahon chempioni – o‘zbekistonlik Asadxo‘ja Mo‘ydinxo‘jayev va Qozog‘iston vakili Aslanbek Shimbergenov o‘zaro to‘qnash kelgan.

Dastlabki ikki raundni o‘z foydasiga hal qilgan Mo‘ydinxo‘jayev afsuski 3-raundda texnik nokaut evaziga imkoniyatni boy berib qo‘ygan. Shu tariqa mazkur vaznda O‘zbekiston sharafini himoya qilayotgan bokschi o‘yinlardagi ishtirokini erta yakunlaydigan bo‘ldi.

Maqola muallifi