“Arsenal” rahbariyati jamoa sardorini sotib yubormoqchi
Sport
−
14 avgust 2021 3342
“Arsenal” sardori Per Emerik Obameyang yozda London klubini tark etishi mumkin. Bu haqda “The Times” nashri xabar berdi.
Ma’lum bo‘lishicha, “kanonirlar” 32 yoshli gabonlik hujumchining transferi bo‘yicha takliflarni ko‘rib chiqishga tayyor. “Arsenal” bosh murabbiyi Mikel Arteta Obameyangning o‘yinidan norozi va klub rahbariyati uning maoshini pasaytirmoqchi.
Obameyang 2018 yilda Dortmundning “Borussiya” klubidan “Arsenal”ga o‘tgandi. Gabonlik hujumchi o‘tgan mavsum APLda 29 o‘yinda maydonga tushib, 10 gol va 3 golli uzatma muallifi bo‘lgan. 2009 yildan buyon Gabon terma jamoasi safiga chaqiriladi.
Eslatib o‘tamiz, Per Emerik Obameyang Angliya Premer ligasining 1-turidan o‘rin olgan “Brentford” ga qarshi o‘yinni (0:2) jarohat tufayli o‘tkazib yubordi.
Live
Barchasi07 noyabr 2023
07 noyabr 2023
07 noyabr 2023
