“Arsenal” London derbisida “Tottenxem”ni yengdi 

Bugun, 1 oktyabr kuni “Arsenal” hamda “Tottenxem” jamoalari Angliya Premer ligasining 9-turi doirasida kuch sinashdi.

Uchrashuvning dastlabki daqiqalaridan “Arsenal” ustunlikni o‘z qo‘liga oldi. Bu 20-daqiqaga kelibgina o‘z samarasini berdi Tomas Parti gol muallifiga aylandi. 31-daiqada Xarri Keyn penaltidan unumli foydalanib, hisobni tenglashtirdi. 

Ikkinchi bo‘limda ham Arteta shogirdlari ishonchli harakat qilishdi. 49-daqiqada Gabriel Jesus “Arsenal”ni yana bir bor hisobda oldinga olib chiqdi. Shundoq ham ustunlikni raqiblariga berib qo‘ygan “shporlar” 62-daqiqaga kelib bir kishi kam bo‘lib qoldi. Emersonga hakam tomonida qizil kartochka ko‘rsatildi. Bundan “to‘pchilar” unumli foydalanishi kutilgandi. 67-daqiqada Granit Jaka “Arsenal”ning uchinchi goli muallifiga aylandi. Hisobni o‘zi uchun foydali ko‘rinishga keltirgan “Arsenal” ketma-ket hujumlar tashkil qilishdan charchamadi. Biroq uchrashuvda boshqa hisob o‘zgarmadi. Shu tariqa, London derbisi “Arsenal”ning 3:1 hisobidagi g‘alabasi bilan yakunlandi.

“Arsenal” – “Tottenxem” 3:1.

Gollar: 1:0 – Tomas Parti (20), 1:1 – Xarri Keyn (31’p), 2:1 – Gbriyel Jesus (49), 3:1 – Granit Jaka (67).

Arsenal: Remsdeyl, Uayt, Gabriel, Saliba, Zinchenko, Jaka, Parti, Edegor, Saka, Gabriel Jezus, Martinelli.

Tottenxem: Loris, Emerson, Dayer, Langle, Romero, Perishich, Xeyberg, Bentankur, Son Xyon Min, Keyn, Risharlison.