Argentinada futbolchilar o‘z muxlislari bilan mushtlashdi (video)

Argentinaning “Veles Sarsfild” klubi futbolchilari mamlakat kubogi final uchrashuvida “Sentral Kordoba” jamoasiga 0:1 hisobida imkoniyatni boy berib, o‘yindan keyin o‘z muxlislari bilan tortishuvga bordi. Bu haqda “TyC Sports” xabar berdi..

Manbaga ko‘ra, mag‘lubiyatdan so‘ng “Veles Sarsfild” muxlislari futbolchilar va ularning oila a’zolarini haqoratlay boshlagan, bu esa mushtlashuvga sabab bo‘lgan. Muxlislar bilan mojaroda Randal Rodriges, Elias Gomes, Brayan Romero va Agustin Bousat kabi futbolchilar ishtirok etgan. Janjal davomida futbolchilar Santyago Kaseres va Jalil Eliasning rafiqalari jarohat olgan.

Janjalda klub prezidenti Fabian Berlan muxlislar va futbolchilarni tinchlantirishga uringan, biroq uning urinishlari ham samarasiz ketgan. 

Qayd etish joiz, bundan bir necha kun avval Argentina chempionatining oxirgi turlaridan birida “Union Santa Fe” jamoasi “Veles Sarsfild”ni mag‘lub etgandi. Bu mag‘lubiyat klubni 2013 yildan beri birinchi marta muddatidan avval mamlakat chempioni bo‘lish imkoniyatidan mahrum qildi.