Aprelgacha Toshkentga 1000 ta yangi avtobus olib kelinadi
Jamiyat
−
08 fevral 2023
5409Joriy yilning 1 apreliga qadar poytaxt Toshkentga qo‘shimcha 1 mingta avtobus olib kelinadi. Bu haqda O‘zbekiston Respublikasi Prezidenti Shavkat Mirziyoyev bugun, 8 fevral kuni Sergeli tumani faollari bilan o‘tkazayotgan yig‘ilishida ma’lum qildi.
“Biz poytaxt aholisining talab va ehtiyojlaridan kelib chiqib, bunday xayrli ishlarimizni jadal davom ettiramiz”, deydi Prezident
Yig‘ilishda poytaxt jamoat transporti sohasida olib borilayotgan va rejalashtirilgan ishlarga to‘xtalib o‘tildi.
“Mana, bugun yangi metro stansiyalarini borib ko‘rdik. Yangi liniyada jami 7 ta stansiyalar ishga tushganidan keyin, metroda kunlik yo‘lovchilar soni 1 millionga chiqadi”, deydi davlat rahbari.
Shaharda tirbandlikni qisqartirish, odamlarning uzog‘ini yaqin qilishga qaratilgan bu ishlar davom ettirilishi ta’kidlandi. Jumladan:
• 1 aprelga qadar qo‘shimcha 1 mingta avtobus olib kelinadi;
• 25 ta ko‘chada avtobuslar uchun alohida yo‘laklar tashkil etiladi;
• yil yakunigacha 233 ta chorrahadagi svetoforlarni yo‘lovchi oqimiga qarab boshqarish tizimi joriy qilinadi;
• 20 ta oqim yuqori ko‘chalarda xususiy sheriklik asosida jami 10 ming o‘rinli parkomatlar tashkil qilinadi;
• Chilonzor, Yunusobod va Yashnobod tumanlaridagi shaharga olib kiruvchi 6 ta metro bekati atrofida avtoturargohlar tashkil qilinib, tayyor biznes sifatida auksionga chiqariladi.
LiveBarchasi
07 noyabr 2023
07 noyabr 2023
07 noyabr 2023