Andijonda xonadon va unga tutash kiyim-kechak do‘konida yong‘in sodir bo‘ldi (video)
3-sahifa
−
14 avgust 3094
Bugun, 14 avgust kuni Andijon viloyatidagi do‘kon va unga tutash uyga o‘t ketdi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, soat 15:54 da Andijon shahar “O‘zbekiston 20 yilligi” MFY Furqat ko‘chasida joylashgan fuqaro M.I.ning yashash uyi hamda yashash uyiga tutash bo‘lgan kiyim-kechak do‘konida yong‘in sodir bo‘layotganligi haqida Andijon viloyati FVBga xabar kelib tushgan. Soat 16:02 da aytilgan manzilga yong‘in-qutqaruv ekipaji yetib borgan va soat 16:20 da yong‘in batamom o‘chirilgan.
Yong‘in oqibatida yashash uyining hamda kiyim-kechak do‘konining 70 m kv maydonda shift, tom qismi yonib zararlangan. Yong‘in oqibatida tan jarohati holatlari qayd etilmagan. Shuningdek, yong‘in sodir bo‘lish omillari va moddiy zarar aniqlanmoqda.
Eslatib o‘tamiz, avvalroq Toshkentdagi do‘konlarda yong‘in sodir bo‘lgandi.
