Anchelotti “fantastik to‘rtlik” bilan janjallashdi

Madridning “Real” klubi bosh murabbiyi Karlo Anchelotti “Atletiko”ga (1:1) qarshi o‘yinda ba’zi futbolchilarining xatti-harakatidan g‘azablandi. Bu haqda “Footmercato” xabar berdi.

Manbaga ko‘ra, italiyalik mutaxassis kiyinish xonasida to‘rt nafar futbolchi bilan baland ovozda gaplashgan. Anchelotti Madridda “fantastik to‘rtlik” nomini olgan Kilian Mbappe, Jud Bellingem, Vinisius Junior va Rodrigodan keskin norozi bo‘lgan.

Anchelotti bu o‘yinchilar “Real Madrid”ning hujumlari vaqtida o‘zlarining individual harakatlariga e’tibor qaratishganidan va ko‘pincha o‘zlarining qulayroq pozitsiyadagi jamoadoshlariga e’tibor bermasliklaridan norozi.

Qolaversa, murabbiy himoyaviy o‘yindan norozi bo‘ldi. Hujumkor o‘yinchilarning umuman himoyaga qaytmayotgani yoki juda sekin harakat qilayotgani murabbiyning norozligiga sabab bo‘ldi. Karlo jamoa futbolchilaridan o‘zgarishni talab qilgan, aks holda u asosiy tarkibga o‘zgartirishlar kiritilishini ma’lum qilgan.

Ma’lumot uchun, 12 fevralga o‘tar kechasi Toshkent vaqti bilan soat 01:00 da “Real” Yevropa Chempionlar ligasi doirasida “Man Siti” bilan to‘qnash keladi. Uchrashuv musobaqaning 1/8 finalga o‘tish o‘yini hisoblanadi.