Anchelotti Braziliya terma jamoasi bosh murabbiyi deb e’lon qilindi
Sport
−
05 iyul 2023 7728
Madridning “Real” klubi bosh murabbiyi Karlo Anchelotti 2024 yildan Braziliya terma jamoasini boshqaradi. Bu haqda Braziliya futbol konfederatsiyasi (CBF) rahbari Ednaldo Rodriges ma’lum qildi.
2024 yilgacha “Fluminense” klubi bosh murabbiyi Fernando Diniz termaga ustozlik qiladi. Shuningdek, u “Fluminense”dagi faoliyatini ham davom ettiradi.
"Dinizning o‘yin uslubi Anchelottinikiga o‘xshaydi. Amerika kubogi boshlangunga qadar Fernando Anchelottini o‘rnini egallab turadi", deydi Rodriges.
Anchelottining Real bilan shartnomasi 2024 yilga qadar mo‘ljallangan. Italiyalik mutaxassis “qirollik klubi” bilan kelishuvini oxirigacha bajaradi.
Ma’lumot uchun, Karlo Anchelotti faoliyati davomida 4 marta Yevropa Chempionlar ligasi bosh sovrinini qo‘lga kiritgan. Shuningdek, u murabbiy sifatida top-5 chempionatlarning barchasida g‘olib bo‘lgan.
Live
BarchasiMedvedev Xitoyga bordi.
10:15
