“Al-Nasr” murabbiyi faqat Ronaldumas Messi transferini ham istagani ma’lum bo‘ldi
Sport
−
02 yanvar 2023 3913
“Al-Nasr” bosh murabbiyi Rudi Garsiya o‘z jamoasida nafaqat Krishtianu Ronaldu, balki Lionel Messini ham ko‘rishni xohlaganini tan oldi. Bu haqda “Marca” nashri xabar berdi.
Saudiya jamoasi bosh murabbiyi portugaliyalikning transferi haqidagi savolga javob berar ekan, argentinalik futbolchini ham tilga oldi.
“Ronaldu? Avvaliga Messini sotib olmoqchi edik. Shaxsan o‘zim Leoni Dohadan Saudiyaga olib kelishga harakat qildim”, deydi Rudi Garsiya.
Eslatib o‘tamiz, Ronaldu “Al-Nasr” bilan 2,5 yil muddatga shartnoma imzoladi. Shartnomaga ko‘ra, futbolchi yangi klubida yiliga 200 million yevro maosh oladi. Saudiya klubida 37 yoshli futbolchi 7-raqam ostida to‘p suradi.
Avvalroq, “Al-Nasr” “Real”dan Luka Modrich va PSJdan Serxio Ramosni ham o‘z safiga qo‘shib olmoqchi ekanligi ma’lum bo‘lgandi.
Live
Barchasi