AQSHda poyezd relsdan chiqib ketdi

AQSHning Nebraska shtatida 31 vagon ko‘mir bo‘lgan poyezd relsdan chiqib ketdi. Bu haqda "CBC News" xabar berdi.

Hodisa mahalliy vaqt bilan 01:45 atrofida sodir bo‘lgan. Hodisa oqibatida hech kim jabrlanmagan. Qayd etilishicha, dastlab ommaviy axborot vositalarida xavfli moddalar to‘kilgani haqida xabar berilgan. Biroq tarkibga egalik qiluvchi Union Pacific kompaniyasi buni rad etgan.

Hozirda yuklar tozalanmoqda, treklar allaqachon harakatlanish uchun ochiq. Hodisa sabablari o‘rganilmoqda.

Eslatib o‘tamiz, yanvar oyida Ogayo shtatining ikki ming aholisi xavfli yuklar bilan poyezdning relsdan chiqib ketishi oqibatida yuzaga kelgan yong‘indan keyin evakuatsiya qilingan edi. Bunga yuk poyezdining 50 ga yaqin vagonining relsdan chiqib ketishi oqibatida boshlangan yong‘in sabab bo‘lgan. Poyezdda xavfli yuk bo‘lgan: ularning 14 tasida vinilxlorid (etilendan olingan, portlovchi va yondirilganda zaharli moddalar ajralib chiqadi) bo‘lgan.