AQSH Rossiyaning soxta saylovi natijalarini tan olmaydi – Davlat departamenti

Qo‘shma Shtatlar Ukrainaning vaqtincha bosib olingan hududlarida Rossiya uyushtirgan soxta saylovlar natijalarini hech qachon tan olmaydi. Bu haqda kecha, 14 mart kuni bo‘lib o‘tgan brifingda AQSH Davlat departamenti rasmiy vakili Metyu Miller ma’lum qildi. 

Davlat departamenti vakili soxta saylovlarni Ukraina suvereniteti, hududiy yaxlitligi va siyosiy mustaqilligiga putur yetkazishga qaratilgan sa’y-harakatlar deb atadi va Qo‘shma Shtatlar uning qonuniyligi va natijalarini hech qachon tan olmasligini urg‘uladi. 

“Aniq aytish kerakki, Lugansk, Donetsk, Zaporoje, Xerson va Qrim – Ukrainadir. Potyomkin uslubidagi derazalarni bezash natijalari Moskva tomonidan belgilanadi va ularga ovoz berishga majbur bo‘lgan Ukraina fuqarolarining iroda erkinligini aks ettira olmaydi”, deb tushuntirdi Miller. 

Uning qo‘shimcha qilishicha, “bu ijro” yana bir bor Rossiyaning xalqaro huquqni mensimasligini ko‘rsatadi. Amerika Qo‘shma Shtatlari, Millerning ishontirishicha, Ukraina suverenitetiga putur yetkazishda aybdorlarni, xususan, soxta saylovlarda kuzatuvchilarni javobgarlikka tortish uchun barcha mavjud vositalardan foydalanishda davom etadi.

Ma’lumot uchun, Rossiyada prezidentlik saylovlari 15-17 mart kunlari bo‘lib o‘tadi. Ular birinchi marta uch kun davomida o‘tkazilmoqda va masofaviy elektron ovoz berish tizimidan foydalanilmoqda, bu esa mamlakat hududlarining qariyb uchdan birida mavjud. Davlat rahbari lavozimiga to‘rt nafar nomzod: Vladimir Putin, Vladislav Davankov, Leonid Slutskiy va Nikolay Xaritonov da’vogarlik qilmoqda.