AQSH Davlat kotibi ilk xorijiy safarini Panamaga qiladi – “Bloomberg”

north_east

Dastlab Alyaska kabi “suv tekinga” qo‘lga kiritilgan, ammo keyinchalik qo‘sh-qo‘llab Panamaga topshirilgan kanal tarixi

AQSH Davlat kotibi Marko Rubio AQSH yetakchisi Donald Trampning Vashington Panama kanali ustidan nazorat o‘rnatishi zarurligi haqidagi bayonotlaridan so‘ng Panamaga borishni rejalashtirmoqda. Bu haqda manbalarga tayanib, "Bloomberg" xabar berdi.

Qayd etilishicha, Davlat departamentining yangi rahbarining ilk xorijiy safari Tramp va uning ma’muriyatining Panama kanali haqidagi bayonotlari jiddiyligini ta’kidlashi kerak. Panamadan tashqari, Rubioning Lotin Amerikasi bo‘ylab safari Gvatemala, Dominikan Respublikasi, Kosta-Rika va Salvadordagi to‘xtashlarni o‘z ichiga oladi.

Manbaga ko‘ra, safar Amerika diplomatiyasi rahbari o‘z mamlakatining asosiy ittifoqchilaridan biriga tashrif buyuradigan birinchi turning odatiy amaliyotidan voz kechishdir. Shu tariqa, avvalgi prezident Jo Bayden davrida AQSH davlat kotibi Entoni Blinken ushbu lavozimdagi ilk safarini Yaponiyaga, Trampning birinchi prezidentlik davrida 2017-2018 yillarda Davlat departamentini boshqargan Reks Tillerson ilk bor Germaniyaga tashrif buyurgan.

Tramp 20 yanvar kuni Kongressdagi inauguratsion nutqida Panama kanalini “qaytib olish” niyatini yana bir bor ta’kidladi. Uning aytishicha, kanal nazoratini Panamaga qaytarish "hech qachon berilmasligi kerak bo‘lgan ahmoqona sovg‘a" bo‘lgan. Siyosatchining fikricha, Xitoy Panama kanalini nazorat qilmoqda.

Ma’lumot uchun, 1914 yilda foydalanishga topshirilgan ushbu suv yo‘li AQSH tomonidan qurilgan va nazorat qilingan. 1977 yilda Torrixos-Karter shartnomasi kanalni Panamaga bosqichma-bosqich o‘tkazishni o‘rnatdi va 1999 yilda yakunlandi. Shartnoma arteriyaning betarafligini va jahon savdosiga kirishini ta’minladi. Bugungi kunda kanal jahon iqtisodiyoti uchun muhim yo‘l va Amerika manfaatlarining asosiy yo‘nalishi bo‘lib qolmoqda.