Adliya vaziriga yangi o‘rinbosar tayinlandi

Mirjalol Davronbekovich Allaquliyev adliya vazirining o‘rinbosari lavozimiga tayinlandi. Bu haqda vazirlik matbuot xizmati ma’lum qildi.
Mirjalol Allaquliyev 1988 yilda Xorazm viloyati Xiva tumanida tug‘ilgan. Ma’lumoti oliy, huquqshunos, 1-darajali adliya maslahatchisi. 2012 yilda Toshkent davlat yuridik institutini bakalavr bosqichini, 2014 yilda magistratura bosqichini, 2024 yilda Bank-moliya akademiyasining magistratura bosqichini tamomlagan.

• Mehnat faoliyatini 2008 yilda Adliya vazirligi rahbariyat qoshidagi apparatning qabulxona kotibi lavozimida boshlagan.
• 2013-2014 yillarda  Adliya vazirligi Jinoiy, ma’muriy va ijtimoiy qonunchilik boshqarmasi 1-toifali ish yurituvchi kotibi, katta maslahatchisi, yetakchi maslahatchisi;
• 2014-2017 yillarda Adliya vazirligi Jinoiy, ma’muriy va ijtimoiy qonunchilik boshqarmasi bosh maslahatchisi;
• 2017-2018 yillarda Adliya vazirligi Jinoiy, ma’muriy va ijtimoiy qonunchilik boshqarmasi bo‘lim boshlig‘i;
• 2018-2018 yillarda Adliya vazirligi Jinoiy, ma’muriy va ijtimoiy qonunchilik boshqarmasi boshlig‘i o‘rinbosari-bo‘lim boshlig‘i;
• 2018-2021 yillarda Adliya vazirligi Jinoiy, ma’muriy va ijtimoiy qonunchilik boshqarmasi boshlig‘i;
• 2021-2022 yillarda Adliya vazirligi Qonunchilik bosh boshqarmasi boshlig‘i lavozimlarida ishlagan.
• Tayinlovga qadar (2022 yildan) Adliya vazirligi Qonunchilik departamenti boshlig‘i lavozimida faoliyat ko‘rsatgan.

Eslatib o‘tamiz, avvalroq Mahmud Shuhratovich Istamov Adliya vaziriga birinchi o‘rinbosar etib tayinlangandi.