Abbosbek Fayzullayev faoliyatini Rossiya klubida davom ettirishi mumkin

O‘zbekiston milliy terma jamoasi a’zosi Abbosbek Fayzullayev faoliyatini Rossiyaning SSKA klubida davom ettirishimi mumkin. Bu haqda “Metaratings“ nashri xabar berdi.

Ma’lum qilinishicha, Moskva klubi “Paxtakor“ning 19 yoshli futbolchisi Abbosbek Fayzullayev transferini amalga oshirishga yaqin turibdi. Unga ko‘ra, mazkur shartnoma “3+1“ shaklida imzolanadi va SSKA forvard uchun “sherlar“ hisobiga 500 ming yevro o‘tkazib beradi. 

Ma’lumot uchun, Fayzullayev joriy yilning mart oyida yoshlar o‘rtasidagi Osiyo kubogi U-20 turniri doirasida O‘zbekiston jamoasi bilan qit’a chempionligini qo‘lga kiritgan. Shuningdek, u Argentinada o‘tgan yoshlar o‘rtasidagi Jahon chempionatida to‘rt o‘yinda maydonga tushib, 1 ta gol va 1 ta assistni o‘z hisobiga yozdirib qo‘ygan. 

Abbosbek Fayzullayev 2022/2023 yilgi mavsumda Superligada “Paxtakor“ nomidan 6 o‘yinda maydonga tushib, o‘z nomiga 2 ta golni rasmiylashtirgan.

Eslatib o‘tamiz, avvalroq O‘zbekiston milliy terma jamoasi a’zosi Abduqodir Husanov Fransiyaning vitse-chempioni hisoblangan “Lans” jamoasiga ko‘chib o‘tgan edi.  U jamoa bilan 2027 yilning 30 iyunigacha mo‘ljallangan 4 yillik shartnoma imzolagan.