2025 yilgi “Oltin to‘p” uchun da’vogarlar reytingi tuzildi

“Barselona”ning polshalik futbolchisi Robert Levandovski 2025 yilgi “Oltin to‘p” sovrini uchun asosiy favorit hisoblanmoqda. Bu haqda “Goal” xabar berdi.

Nashr tomonidan tuzilgan reytingda 36 yoshli futbolchi 1-o‘rinda qayd etilgan bo‘lsa, yana bir “Barselona” a’zosi Lamin Yamal 2-pog‘onada qayd etildi. Kuchli uchlikni “Real”ning braziliyalik futbolchisi Vinicius Junior yakunlab berdi.

Amaldagi “Oltin to‘p“ sohibi, “Manchester Siti” a’zosi Rodri esa kuchli o‘n beshtalikda ko‘rinish bermadi. Top-5 ga “Man Siti”dan Erling Xoland va “Barselona”dan Rafinya kiritildi. 

Kuchli o‘n beshtalikka eng ko‘p “Barselona”dan futbolchi kiritilgan. Kataloniya klubining 4 nafar a’zosi 2025 yilgi sovrin uchun kurash olib bormoqda. 

Reyting:

1. Robert Levandovski (“Barselona”);
2. Lamin Yamal (“Barselona”);
3. Vinisius Junior (“Real”);
4. Erling Holand (“Manchester Siti”);
5. Rafinya Dias (“Barselona”);
6. Xarri Keyn (“Bavariya”);
7. Muhammad Saloh (“Liverpul”);
8. Kilian Mbappe (“Real”);
9. Pedri (“Barselona”);
10. Bukayo Saka (“Arsenal”);
11. Florian Virts (“Bayer”);
12. Koul Palmer (“Chelsi”);
13. Kristian Pulishich (“Milan”);
14. Maykl Olise (“Bavariya”);
15. Jamal Musiala (“Bavariya”).