2019 yil voqealari suratlarda
Bu qiziq
−
29 dekabr 2019
14084Vaqt misoli oqar daryo. Kun, oy, yillar bir ondek o‘tib ketaveradi. O‘tgan kunlardagi yaxshi-yomon hodisalardan suratlargina xotira bo‘lib qoladi.
Yakuniga yetayotgan 2019 yil ham ko‘plab ijobiy, salbiy va hatto, fojiaviy voqealarsiz bo‘lmadi. "Time" jurnali yilning eng muhim voqealariga oid suratlarni jamladi. Quyida ular bilan tanishishingiz mumkin.
13 sentyabr Nyu-York. BMT bosh qarorgohida 2018 yildagi mojarolarda halok bo‘lgan 3758 nafar bola uchun shuncha miqdorda sumkalar o‘rnatildi. Bu sumkalar umid va tinchlik uchun chaqiriqning mukammal ramzi.
Gonkong ma’muriyati rahbari Kerri Lemning ekstraditsiya to‘g‘risidagi taklifi orol davlatda yosh avlodning keskin noroziliga sabab bo‘ldi. 10 iyun kuni yuz minglab odamlar Gonkong ko‘chalarida norozilik namoyishi o‘tkazdi. Bu hol har hafta davom etdi. Ekstraditsiya to‘g‘risidagi Qonun butkul bekor qilingan bo‘lsa-da, odamlarning noroziligi to‘xtamadi. Gonkong boshqa ko‘rinishda shakllanib bo‘lgandi.
Salvadorlik migrant Oskar Alberto Martines Ramires va uning deyarli 2 yoshli qizi Valeriya Meksikaning Matamoros shahridagi Rio-Grande sohilida yotibdi. Ular 24 iyunda Braunsvill daryosini kechib, Texasga o‘tmoqchi bo‘lganda cho‘kib ketgan.
Yangi Zelandiyaning Kraystcherch shahridagi Al-Nur masjidi yaqinida improvizatsiya qilingan yodgorlikdagi gul va boshqa narsalar orasidagi joynamoz, 20 mart. Bundan 5 kun avval o‘ta o‘ng ekstremist ikki masjidda 50 nafar musulmonni o‘ldirgandi.
Bir necha oy davomida namoyishchilar Sudan poytaxti Xartum shahrida mamlakatning 30 yillik Prezidenti Omar al-Bashirning iste’foga chiqishini talab qilishayotgandi. 8 aprel kuni 22 yoshli faol Alaa Salah mashina ustida rasm tushganidan 3 kuni o‘tib, al-Bashir iste’foga chiqdi. Sudanning yosh avlodining ovozi eshitildi.
23 fevral, Kolumbiya, namoyishchilar guruhi Venesuela politsiyasi bilan to‘qnashuvda Kukuti ko‘prigi yaqinida yashirinyapti. Chegara yaqinidagi to‘qnashuv insonparvarlik yordami karvonini to‘xtatib qo‘ygan.
5 fevral, AQSH Vakillar palatasi spikeri Nensi Pelosi Prezident Donald Trampning chiqishi vaqtida qarsak chalyapti. Tramp bu vaqtda siyosatda, o‘ch olish, qarshilik qilishdan voz kechish, umumiy manfaat uchun cheksiz hamkorlik imkoniyatlari va kompromissdan foydalanish kerakligi haqida gapirgan.
15 aprel, Parijdagi Notr-Dam soboridan tutun va olov uchqunlari ko‘tarilyapti. Shahar soborda yong‘in yuzaga kelishidan bir necha oy avval olov ichida qolgandi. Prezident Emmanuel Makronning iqtisodiy rejalaridan g‘azablangan namoyishchlar do‘konlar oynalarini sindirib, bankomatlarni vayron qilyotgandi. Ammo o‘sha kundagi tutun butun osmonni egallab, boshqa bir muammoni keltirib chiqardi: Fransiya ramzi qanday tiklanadi?
20 sentyabr kuni Nyu-Yorkdagi iqlim o‘zgarishi bo‘yicha aksiya vaqtida bolalar norozilik bildiryapti. Ular global iqlim o‘zgarishiga qarshi o‘tkazilgan 4 mln kishi qatnashgan namoyishda ishtirok etgan. Bu insoniyat tarixida iqlim bo‘yicha o‘tkazilgan eng katta aksiyalardan bo‘lgan.
30 aprel Karakasda muxolifat namoyishchisi Venesuela milliy gvardiyasi mashinasi bilan to‘qnashib ketdi. Holatga "o‘lim bilan to‘qnashib omon qoldi" deya izoh berilgan.
Oq ayiq Rossiyaning industrial shaharlaridan biri Norilsk yaqinida sayr qilib yuribdi. Och ayiq o‘zining tabiiy yashash joyidan yuzlab mil uzoqlikka kelib qolgan.
30 iyun Shimoliy Koreya yetakchisi Kim Chen In demilitarizatsiyalangan Panmunjom hududida AQSH Prezidentini kutyapti. Donald Tramp KXDR hududiga kiryapti.
12 mart Efiopiyaning aviatsiya sohasi amaldorlari samolyot qulagan joyda qurbonlarni xotirlayapti. 10 mart kuni “Ethiopian airlines” aviakompanisining Boeing 737 Max 8 samolyoti halokatga uchrashi natijasida 157 kishi halok bo‘lgandi.
6 may Nyu-Yorkda Ledi Gaga “Met Gala” tematik “Moda haqida qaydlar” lageriga kelyapti.
21 noyabr Boliviyaning sobiq Prezidenti Evo Moralesning tarafdorlari norozilik aksiyasi vaqtida ko‘zni yoshlantiruvchi gazdan qochyapti. Ular xavfsizlik kuchlari bilan to‘qnashuvda halok bo‘lganlarning tobutini ko‘tarib ketayotgandi.
1 fevral Isroil armiyasiga qo‘shilishi kerak bo‘lgan yuqori sinf o‘quvchilari Gretslidagi mashg‘ulot vaqtida qum uyumiga sudralib chiqyapti.
Efiopiyalik migrant Muhammad Husayn kontrabandachilar tomonidan qamoqqa tashlangach judayam ozib ketgan. U Yamanning Laxj shahridagi Ras-al-Ara shifoxonasida taroziga chiqqan, 1 avgust. 19 yoshli yigit 31 kg.ga teng bo‘lgan.
4 noyabr Chilining Santyago shahrida politsiya xodimlari namoyish vaqtida Molotova kokteyli uloqtirilgach yona boshlagan sheriklariga yordam beryapti. Namoyish metro uchun to‘lovning 4 foiz oshirilishidan kelib chiqqan.
Fransiya, avgust. AQSH birinchi xonimi Melaniya Tramp Biarritsda G7 sammitiga taklif qilinganlar bilan oilaviy suratga tushish vaqtida Kanada Bosh vaziri Jastin Tryudoning yuzidan o‘pyapti. Donald Trampning o‘zi uning yonida turibdi.
15 yanvar Nayrobida yuqori darajali mehmonxonada yuz bergan teraktda jarohatlangan ayolga tibbiy yordam ko‘rsatilyapti. Hodisada o‘ndan ortiq odam halok bo‘lgan.
Fransiya Prezidenti Emmanuel Makron va uning rafiqasi Bridjit Yelisey saroyida. Makron ishlarini tugatib, kechki ovqatga chiqishi kerak bo‘lgandagi vaziyat.
Aprel, Iordan daryosining G‘arbiy sohili. Isroil askari yaralangan sherigini olib ketayotgan falastinliklarga qurol o‘qtalyapti. Yaralangan yigit 16 yoshdagi Usama Xajaja.
17 mart Kraystcherchda masjidga hujum qilinganidan keyin Yangi Zelandiya Bosh vaziri Jasinda Ardern Vellingtonda Kilbirn masjidi xodimini qattiq quchoqlayapti.
LiveBarchasi
07 noyabr 2023
07 noyabr 2023
07 noyabr 2023