Hayotni izidan chiqargan 2020 yil suratlarda

2020 yil yakuniga sanoqli soatlar qoldi. Oxirlab borayotgan yil voqealari uzoq yillar davomida insonlar xotirasida muhrlanib qolishiga shubha yo‘q.

Koronavirus pandemiyasi sabab dunyoda bir necha yillar davomida shakllanib, davom etib kelayotgan hayot o‘z izidan chiqdi. Bunga qo‘shimcha ravishda turli davlatlarda namoyishlar avj oldi, o‘rmon yong‘inlari dahshatli tus oldi, yadroviy davlatlar o‘rtasida siyosiy munosabatlar taranglashdi.

Turli mintaqalarda ham siyosiy, ijtimoiy vaziyat og‘irlashdi. Jumladan, Kavkazda 45 kunlik urush bo‘lib o‘tdi, Afrikaga chigirtkalar yopirildi, Yaqin Sharqda yerni zir titratgan portlash sodir bo‘ldi. Bir so‘z bilan aytganda 2020 yilni hozirgi avlod uchun “eng yomoni” deyish mumkin.

Quyida 2020 yilning asosiy hodisalarini tarixga muhrlagan kadrlar bilan tanishamiz.

13 yanvar kuni Filippin orollaridagi Talisayda otilib chiqayotgan Taal vulqoni yonida garajning orqasida turgan kulga burkangan it.

16 yanvar kuni Janubiy Avstraliyaning Kenguru orolida yong‘in oqibatida zarar ko‘rgan koalaga o‘t o‘chiruvchi ko‘ngilli suv quymoqda. U yuzlab boshqa hayvonlar bilan birga eng yaqin boshpanaga yuborildi.

30 yanvar kuni Xitoyning Uxan shahridagi shifoxona oldida yiqilib vafot etgan keksa odam yonida himoya kostyumlari kiygan rasmiylar.

4 fevral kuni AQSHning Vashington shahridagi Kapitoliyda Prezident Donald Tramp nutq so‘zlaganidan so‘ng vitse-prezident Mayk Pens qarsak chalmoqda. Vakillar palatasi spikeri Nensi Pelosi esa Trampning murojaati nusxasini yirtib tashladi.

16 fevral kuni Xitoyning Shanxay shahri markazida itlar himoya niqoblarini taqdi.

6 mart kuni Makka shahridagi musulmonlarning muqaddas qadamjosi Ka’ba chuqur sukunatga cho‘mdi. Chunki COVID-19 pandemiyasi bilan bog‘liq cheklovlar doirasida juma namoziga qatnashish mumkin emas edi. 

Lori Spenser 8 mart kuni AQSHning Vashington shtati Kirklend shahridagi Life Care Center'da 81 yoshli onasi Judi Sheyp bilan telefonda gaplashmoqda. O‘sha kuni ertalab Sheypda koronavirus aniqlangandi.

13 mart kuni ikki bola Afg‘onistonning Lag‘mon viloyatining Alingar tumanida "Qizil Tolibonlar" yonidan o‘tmoqda.

Turkiyaning Edirne shahrida erkak o‘zini Gretsiya Hukumati mart oyida chegarada otgan gazdan himoya qilishga astoydil harakat qilmoqda.

31 mart kuni COVID-19 bemori Nyu-Jersidagi shifoxonada anesteziolog tomonidan intubatsiyaga tayyorlanmoqda. 

9 aprelda koronavirus avj olgan Nyu-Yorkdagi Xart orolida ko‘milgan jasadlarning dron orqali ko‘rinishi.

22 aprel AQSH. 39 yoshli shifokor Kayl Edvards tibbiy markaz tashqarisidagi vaqtinchalik o‘likxonada. Ba’zida COVID-19 qurbonlari jasadlarini o‘likxonaga ko‘chirish bilan shug‘ullanib turgan Edvards ertalab soat 7:00 dan tungi soat 22:00 gacha ishlagan.

29 aprel kuni Hindistonning Nyu-Dehli shahridagi qabristonda koronavirusdan vafot etgan Markaziy zaxira politsiyasi ofitserining dafn marosimi oldidan iztirob chekayotgan tibbiyot xodimi.

12 may kuni Braziliya Prezidenti Jair Bolsonaru Braziliyadagi matbuot anjumani paytida jurnalistlarga imo-ishora qilmoqda.

24 may kuni Nyu-Yorkda nabira buvisi bilan koronavirus tufayli mato orqali quchoqlashmoqda.

29 may kuni Jorj Floyd o‘ldirilganidan to‘rt kun o‘tib, "Iltimos, zo‘ravonlikni to‘xtating" degan yozuv yozilgan kiyim kiygan namoyishchi Bruklindagi Barclays markaziga sudrab ketilmoqda.

5 iyun kuni Minneapolisda azadorlar politsiya tomonidan o‘ldirilgan insonlar xotirasiga bag‘ishlangan sun’iy yodgorliklar oldida quchoqlashmoqda.

13 iyun kuni Londonda Black Lives Matter namoyishlari paytida jarohat olgan namoyishchi xavfsizligi uchun olib ketilmoqda. 

17 iyun kuni 3 yoshli Merlin Koulz Angliyaning Bere Rejis shahridagi uyidan Royal-Askote musobaqalarini tomosha qilmoqda.

Birlashgan Qirollik Bosh vaziri Boris Jonson va Fransiya Prezidenti Emmanuel Makron 18 iyun kuni Londondagi Dauning-strit 10 da suratga tushayotganda ijtimoiy masofa saqlamoqda.

20 iyun kuni miting ishtirokchilari AQSH Prezidenti Donald Trampning Oklaxoma shtati Talsa shahridagi BOK markaziga kelishini kutmoqda. Bu Trampning AQSHda COVID-19 pandemiyasi boshlanganidan keyin bir necha oy ichidagi birinchi saylovoldi mitingi edi.

Bayrutdagi portlashda jarohat olgan 11 yoshli qiz. Amakisi uni evakuatsiya qilmoqda. 

6 avgust kuni Livanning Bayrut shahri portidagi portlashdan ikki kun o‘tgach, Nur Saliba ismli menejer va model portlagan uyi derazasi yonida turibdi. U uyidan ayrilganidan xafa emas, oilasi va do‘stlari yonida ekanidan o‘zini baxtli his qilmoqda. 

7 avgustda Livan armiyasi askari Livanning Bayrut porti hududidagi portlash sodir bo‘lgan joyda qoldiqlarni bosib o‘tmoqda.

10 avgust kuni tibbiy xodim Hindistonning Pune shahridagi Dole Patil mahallasida yashovchi ayolning harorati va kislorod bilan to‘yinganini tekshirmoqda.

17 avgust kuni Kaliforniyaning Piru shahrida joylashgan Xolser gulxani ta’sirida tungi osmon qizil rangda yongani manzarasi.

AQSHning sobiq vitse-prezidenti Jo Bayden va senator Kamola Xarris 20 avgust kuni Delaver shtatidagi Uilmington shahrida Baydenning nomzodi prezidentlikka qabul qilinganidan ko‘p o‘tmay, turmush o‘rtoqlari Jill Bayden va Duglas Emhoff tomonidan olqishlanmoqda.

9 sentyabr kuni Kaliforniya va Oregon shtatlaridagi ko‘p sonli o‘rmon yong‘inlari sababli San-Fransisko osmoni ko‘rinishi.

24 sentyabr kuni AQSH Prezidenti Donald Tramp Florida shtatining Jeksonvill shahridagi Sesil aeroportida saylovoldi tashviqot paytida so‘zga chiqdi.

AQSH Prezidenti Donald Tramp (chapda) va uning Oliy sudga nomzodi, sudya Emi Koni Barrett (o‘ngda). 26 sentyabr kuni Vashington shahridagi Oq uyning diplomatik xonasida. 2 oktyabr kuni esa Tramp va AQSHning birinchi xonimi Melaniya Trampda koronavirus aniqlangandi.

2 oktyabr kuni Turkiyaning Izmir shahridagi Aliaga kemani qayta ishlash portida beshta hashamatli kruiz kemalari metallolom uchun ko‘rilmoqda. Koronavirus pandemiyasi inqirozi tufayli kemalarni vaqtidan oldin iste’foga chiqarishni xohlashgan.

COVID-19 dan davolangan Prezident Donald Tramp 5 oktyabr kuni shifoxonadan Oq uyga qaytdi.

16 oktyabr kuni Tog‘li Qorabog‘ning Shushi shahridagi to‘siqlar lentasi bilan o‘ralgan ko‘chaga raketa qulab tushdi. 

22 oktyabr kuni Detroyt reysidagi yo‘lovchilar Prezident Tramp va Jo Bayden o‘rtasidagi so‘nggi prezidentlik debatini tomosha qilmoqda.

3 noyabr kuni AQSHdagi prezidentlik saylovlarida saylovchilar Oklaxoma shtatidagi cherkovda o‘z ovozlarini berish uchun navbat kutmoqda.

15 noyabr kuni Orlandodagi UCF Knights stadionidan SpaceX Falcon 9 raketasining uchirilishi manzarasi.

26 noyabr, Shukronalik kuni Xyustondagi United Memorial Medical Center'da doktor Jozev Varon COVID-19 intensiv terapiya bo‘limidagi bemorni yupatmoqda.