Husanovning jamoadoshi “Barselona”ga o‘tishi mumkin
Sport
−
28 yanvar 2883
Kataloniyaning “Barselona” klubi “Manchester Siti” vingeri Jeremi Dokuni sotib olmoqchi. Bu haqda “Sport.es” xabar berdi.
Manbaga ko‘ra, “ko‘k-anorranglilar” belgiyalik futbolchini mavsum oxirigacha ijaraga olmoqchi, biroq ular moliyaviy qiyinchiliklarga duch kelgani uchun “shaharliklar” bilan futbolchining maoshi borasida kelisha olmasligi mumkin.
Qayd etilishicha, futbolchining o‘zi joriy mavsumdagi o‘yin daqiqalari sonidan norozi va ko‘proq maydonga tushishni istaydi.
Joriy mavsumda 22 yoshli Doku klub safida barcha turnirlarda 22 ta o‘yin (1163 daqiqa) o‘tkazib, 6 ta gol urdi va 7 ta golli uzatmani amalga oshirdi. Futbolchining Manchester jamoasi bilan amaldagi shartnomasi 2028 yilning yoziga qadar tuzilgan. “Transfermarkt” internet portaliga ko‘ra, forvardning taxminiy bahosi 60 million yevroni tashkil qiladi.
