Husanovning “Nottingem”ga qarshi o‘yini qanday baholandi?

Kecha, 4 mart kuni Angliya Premer-ligasining 29-turi doirasida “Manchester Citi” o‘z maydonida “Nottingem Forest” bilan 2:2 hisobida durang o‘ynadi. Ushbu uchrashuvda o‘zbekistonlik himoyachi Abduqodir Husanov 77-daqiqada zaxiradan maydonga tushdi.

Uchrashuvning 31-daqiqasida mezbonlar safida Antuan Semeno hisobni ochdi. Ikkinchi bo‘limning 56-daqiqasida “Nottingem” yarim himoyachisi Morgan Gibbs-Uayt hisobni tenglashtirdi. Oradan ko‘p o‘tmay, 62-daqiqada Rodri mezbonlarni yana oldinga olib chiqdi.

76-daqiqada esa Elliot Anderson gol urib, hisobni yana tenglashtirdi. Shundan so‘ng “Manchester Citi” bosh murabbiyi chap qanot himoyachisi Rayan Ait-Nurini almashtirib, uning o‘rniga Abduqodir Husanovni maydonga tushirdi. Qolgan daqiqalarda hisob o‘zgarmadi.

“SofaScore” portali ma’lumotlariga ko‘ra, 13 daqiqa harakat qilgan Husanovning o‘yini 6,7 ball bilan baholandi. U maydonda bo‘lgan vaqtida 9 ta uzatmadan 8 tasini aniq amalga oshirdi.

Ma’lumot uchun, ayni paytda APL turnir jadvalida 67 ochko bilan “Arsenal” peshqadam bo‘lib turibdi. Ikkinchi o‘rinda esa 60 ochko bilan “Manchester Citi” joylashgan.