Hindistonda suv toshqinlari oqibatida 22 kishi halok bo‘ldi (video)

Hindiston shimolida suv toshqinlari oqibatida 22 dan ortiq kishi halok bo‘ldi. Bu haqda “Reuters” xabar berdi.

Qayd etilishicha, poytaxt Nyu-Delidagi maktablar dam olish kunlari kuchli yomg‘irdan so‘ng yopilgan va Ximachal-Pradesh va Uttarakxand shtatlari rasmiylari odamlardan maqsadsiz ravishda uylarini tark etmaslikni so‘ragan.

Bir necha kun mamlakat shimolida yog‘gan yomg‘ir oqibatida suv toshqinlari yuzaga kelgan. Oqibatda shimoldagi Ximachal-Pradesh, Uttarakxand, Uttar-Pradesh, Jammu va Kashmir va Panjob shtatlarida kamida 22 kishi halok bo‘lgan.

Shuningdek, suv toshqinlari oqibatida Ximachal-Pradesh shtatida ko‘prik qulagan, rasmiylar yomg‘ir tufayli yo‘l va ko‘priklarda qolib ketgan odamlarni qutqarish uchun vertolyotlardan foydalangan. Panjob, Dehli va Uttarakxand kabi shimoliy shtatlarida ko‘chalar suv ostida qolgan.

"Iltimos, uylaringizda qoling, chunki keyingi 24 soat ichida kuchli yomg‘ir yana yog‘ishi kutilmoqda", deydi Ximachal-Pradesh shtati bosh vaziri Suxvinder Singx Suxu.